Бүгін республиканың басым аймағында қатты жел тұрып, тұман түседі - «Қазгидромет»

АСТАНА. Қаңтардың 13-і. ҚазАқпарат - Бүгін, қаңтардың 13-і күні Қазақстанның басым аймағында қатты жел тұрады, тұман түсіп, көктайғақ болады деп болжануда,
None
None

деп хабарлайды ҚазАқпарат.

«Қазгидрометтің» мәліметіне сәйкес, сәрсенбі күні ресубликаның бірқатар облысы атмосфералық ағымдар бөлігінің ықпалында болады. Мәселен, Алматы облысының Жалаңашкөл аумағында оңтүстік-шығыстан соққан желдің екпіні 20-25, кей уақыттары 30 м/с-қа дейін күшейеді деп болжануда.

Ал Жамбыл және Оңтүстік Қазақстан облыстарында - кей жерлерде тұман түсіп, желдің екпіні 15-20 м/с-қа дейін жетеді. Қызылорда облысының кей аумақтарында - тұман, көктайғақ болады, желдің қарқыны секундына 15-20 метрге дейін жетуі ықтимал.

Түнде Маңғыстау облысының кей жерлерінде тұман түсіп, көктайғақ болады деп күтілуде. Қостанай, Солтүстік Қазақстан, күндіз Ақмола облыстарында - кей жерлерде бұрқасындатып, желдің жылдамдығы секундына 15-20 метрге дейін жетеді.

Ақтөбе, Павлодар, күндіз Қарағанды облыстарының кей аумақтарында желдің екпіні 15-20 м/с-қа дейін күшеюі мүмкін.

Ал Шығыс Қазақстан облысының Жарма ауданында желдің қарқыны секундына 20-25 метрге дейін жетпек.

Соңғы жаңалықтар