Бүгін солтүстік аймақтарда күн суытады - Қазгидромет

АСТАНА. ҚазАқпарат - Атмосфералық ауа ағымының өтуіне байланысты еліміздің басым бөлігінде күн күркіреп, жаңбыр жауады, бұршақ жаууы мүмкін. Тек батыс өңірде күн ашық болады.

Ақмола, Жамбыл, Қызылорда, Қарағанды, Шығыс Қазақстан облыстарында, күндіз Алматы облысында желдің екпіні 15-20 м/с дейін жетеді. Павлодар облысында 18 м/с жел соғады. Қостанай облысында түнде және таңертең тұман түсіп, күндіз 15-20 м/с жел болады, деп күтілуде. Ал Солтүстік Қазақстан облысының кей жерлерінде де желдің екпіні 15-20 м/с дейін жетіп, түнде және таңертең тұман болады. Түнде Қостанай, Солтүстік Қазақстан облыстарында кей аймақтарында 0-3 градусқа дейін суық болады. Күндіз Атырау облысында күн қатты ысиды.