Бүгін жекелеген өңірде дауыл тұрып, бұршақ жауады
АСТАНА. ҚазАқпарат - Атмосфералық фронттардың өтуіне байланысты 12 тамыз күні елдің басым аймағында құбылмалы ауа райы сақталады, өткінші жаңбыр, бұршақ күтіледі, найзағай ойнап, жел күшейеді. Республиканың тек батысында күн жауын-шашынсыз өтеді, деп хабарлайды «ҚазАқпарат» ХАА «Қазгидромет» РМК-ға сілтеме жасап.
Атап айтқанда, Жамбыл, Шығыс Қазақстан облыстарының кей жерлерінде бұршақ пен дауыл болжанады, желдің екпіні 23-28 м/с күшейеді, жекелеген аудандарда тұман болады.
Ақмола облысының кей жерлерінде бұршақ жауып, дауыл тұрады, жел 15-20 м/с артады, түнде және таңертең тұман болады.
Алматы облысының кей жерлерінде бұршақ түсіп, дауыл болуы мүмкін, түнде жекелеген аумақтарда желдің жылдамдығы 18-23 м/с артады.
Оңтүстік Қазақстан облысының кей жерлерінде жел 15-20 м/с күшейіп, дауыл көтеріледі, бұршақ жауады.
Солтүстік Қазақстан облысында күндіз кей жерлерде жел 15-20 м/с күшейеді, бұршақ жауып, дауыл тұруы мүмкін, түнде және таңертең тұман болжанады.
Павлодар, Қарағанды облыстарының кей жерлерінде жел 15-20 м/с күшейеді, түнде және таңертең тұман болады.
Қызылорда, Ақтөбе, күндіз Қостанай облыстарының кей жерлерінде жел 15-20 м/с жетеді.
Сондай-ақ Алматы, Жамбыл, Қызылорда, Оңтүстік Қазақстан облыстарында, Атырау, Батыс Қазақстан, Ақтөбе, Қарағанды, Қостанай, Шығыс Қазақстан облыстарының кей жерлерінде жоғары өрт қаупі сақталады.
