БҰҰ: Африка тұрғындарының саны 1 миллиардтан асты
АСТАНА. Қарашаның 18-і. ҚазАқпарат - Африка елдерінде тұратын адамдардың саны 1 миллиардтан асты, деп хабарлады ВВС телекомпаниясы БҰҰ-ның Халық саны қорына сілтеме жасап.
Қордың атқарушы директоры Торайи Обейдтің айтуынша, соңғы 27 жылда Африка халқының саны екі есеге өсіп отыр. Адам санының мұншалықты тез өсуінің негізгі себебі - Африканың кедей елдерінде көптеген әйелдердің отбасын жоспарлаудың заманауи әдістерін білмеуі болып табылады.
БҰҰ мәліметтері бойынша, Уганда мен Нигерияның халқы тез өсуде.
