БҰҰ Израильден Газаға гуманитарлық көмек апарған флотилия мүшелерін босатуды талап етті
АСТАНА. KAZINFORM – Біріккен Ұлттар Ұйымы Израильден Газа секторына гуманитарлық көмек жеткізуге бағытталған флотилия мүшелері — испаниялық белсенді Саиф Абу Кешек пен Бразилия азаматы Тьяго Авиланы дереу және шартсыз босатуды талап етті. Бұл туралы Kazinform агенттігінің меншікті тілшісі хабарлады.
БҰҰ-ның Адам құқықтары жөніндегі Жоғарғы комиссары басқармасының өкілі Тамин әл-Хитанның мәлімдеуінше, аталған белсенділер халықаралық суларда ұсталып, кейін Израильге жеткізілген. Қазіргі уақытта олар айып тағылмастан қамауда отыр.
— Газа тұрғындарына аса қажет гуманитарлық көмек жеткізуге талпыныс пен ынтымақтастық көрсету қылмыс болып саналмайды, — делінген мәлімдемеде.
#Israel must immediately release @gbsumudflotilla activists Saif Abukeshek & Thiago de Avila.
— UN Human Rights (@UNHumanRights) May 6, 2026
Disturbing accounts of severe mistreatment must be investigated.
Solidarity & aid delivery to Palestinians in #Gaza not a crime. #Flotillahttps://t.co/nPatRu7gcI pic.twitter.com/gxj0xtcZP1
Сонымен қатар, БҰҰ ұсталғандарға қатысты «қатыгез қарым-қатынас» туралы алаңдатарлық ақпараттарды тексеруге және кінәлілерді жауапкершілікке тартуға шақырды.
Белсенділердің өкілдерінің мәліметінше, флотилияның екі мүшесі алтыншы күн қатарынан аштық жариялап отыр. Бұған дейін Adalah құқық қорғау ұйымы олардың оқшау жағдайда ұсталып отырғанын, камерадан шығарылған кезде, оның ішінде медициналық рәсімдер барысында да көздері байланатынын хабарлаған.
БҰҰ сондай-ақ Израильдің «еркінен тыс ұстау» тәжірибесін және кеңінен түсіндірілетін терроризмге қарсы заңнаманы сынға алды. Ұйым бұл шаралар халықаралық адам құқықтары нормаларына қайшы келеді деп есептейді.
Бұдан бөлек, БҰҰ Израильден Газа секторына қойылған блокаданы тоқтатуды және гуманитарлық көмектің жеткілікті көлемде кедергісіз жеткізілуін қамтамасыз етуді талап етті.
Israel must immediately release the activists it has kidnapped in int'l waters. Persecuting those who oppose Apartheid is part of the crime of Apartheid.
— Francesca Albanese, UN Special Rapporteur oPt (@FranceskAlbs) May 3, 2026
Israel won't stop bullying killing and torturing people until it is forced to:
Boycott, Divest, Protest, Activate courts now. https://t.co/yvmXwDqrnt
Өз кезегінде Израиль Сыртқы істер министрлігі қатыгездік туралы айыптауларды жоққа шығарып, әскери күштердің әрекеті халықаралық құқыққа сәйкес болғанын және «заңды теңіз блокадасын» бұзуға жол бермеуге бағытталғанын мәлімдеді.
Израиль тарапының мәліметінше, Абу Кешек Израиль мен АҚШ ХАМАС-пен байланысты деп санайтын Popular Conference for Palestinians Abroad ұйымымен байланысты болуы мүмкін. Ал Авила заңсыз қызметке қатысы бар деген күдікке ілінген.
Saif Abu Keshek, a leading member of the PCPA - an organization designated and sanctioned by the United States as a Hamas front - and Thiago Ávila, who operates with the PCPA and is suspected of illegal activity, have arrived in Israel. They will be transferred for questioning by…
— Israel Foreign Ministry (@IsraelMFA) May 2, 2026
Еске салсақ, Global Sumud Flotilla флотилиясы сәуір айының соңында Франция, Испания және Италиядан шығып, Газа секторына гуманитарлық көмек жеткізу және Израиль блокадасын бұзуға талпыныс жасау мақсатында жолға шыққан.
Сонымен қатар, Израиль әскери-теңіз күштері флотилия құрамындағы 58 кеменің 21-ін тоқтатып, 175 қатысушыны ұстаған. Абу Кешек пен Авиладан басқа қатысушылардың барлығы кейін Грекияда босатылған.
