БЖЗҚ зейнетақы жинағының ең төменгі жеткіліктілік шегін 10 пайыз көтерді

АСТАНА. KAZINFORM — Бірыңғай жинақтаушы зейнетақы қоры зейнетақы жинақтарының 2026 жылға арналған ең төменгі жеткіліктілік шегін жариялады.

— Зейнетақы жинақтарының ең төменгі жеткіліктілік шегі ағымдағы және болжамды әлеуметтік-экономикалық көрсеткіштерге, ең төменгі зейнетақы мөлшеріне, ең төменгі жалақыға, ең төменгі күнкөріс деңгейіне, сондай-ақ инфляция мен инвестициялық кірістілікке сүйене отырып есептеледі, — деп жазады БЖЗҚ ресми сайты.

ТЖШ есептеу кезінде 2026 жылға арналған мына әлеуметтік-экономикалық көрсеткіштер пайдаланылған:

1. ең төменгі жалақы мөлшері — 85 000 теңге;
2. зейнетақының ең төменгі мөлшері — 69 049 теңге;
3. ең төменгі күнкөріс деңгейі — 50 851 теңге.

— Осылайша 2026 жылы ТЖШ мөлшері орта есеппен 10% өсті. Бұл жалпы инфляцияның ағымдағы және болжамды мәндеріне сәйкес келеді, — делінген ресми мәліметте.

2026 жылға арналған минималды жеткіліктілік жаңа шектерінің көрінісі төмендегідей:

Жасы	Зейнетақы жинақтарының төменгі жеткіліктілігінің шегі, теңге	Жасы	Зейнетақы жинақтарының төменгі жеткіліктілігінің шегі, теңге
20	3 720 000	40	6 720 000
21	3 850 000	41	6 890 000
22	3 990 000	42	7 070 000
23	4 120 000	43	7 250 000
24	4 260 000	44	7 430 000
25	4 390 000	45	7 610 000
26	4 530 000	46	7 800 000
27	4 680 000	47	7 990 000
28	4 820 000	48	8 180 000
29	4 970 000	49	8 370 000
30	5 120 000	50	8 570 000
31	5 270 000	51	8 770 000
32	5 420 000	52	8 970 000
33	5 570 000	53	9 180 000
34	5 730 000	54	9 390 000
35	5 890 000	55	9 600 000
36	6 050 000	56	9 810 000
37	6 220 000	57	10 030 000
38	6 380 000	58	10 250 000
39	6 550 000	59	10 480 000
-	-	60-62	10 700 000

2026 жылға салымшының жасына қарай жеткіліктік шегі қалай белгіленгенін мына жерден көруге болады. 

Бұған дейін зейнетақы жинағындағы артылған ақшаға көз емдеу тоқтатылғанын жазған едік.