Чемпиондар лигасының негізгі кезеңіне шыққан «Қайрат» қанша табыс тапты

АСТАНА. KAZINFORM — Алматылық «Қайрат» жанкүйерлерді таңғалдырып, Чемпиондар лигасының негізгі кезеңіне шықты, деп хабарлайды Sports.kz.

«Қайрат» футболдан Чемпиондар лигасы негізгі кезеңіне жолдама алды
Фото: «Қайрат» футбол клубы

Іріктеу кезеңінде қазақстандық клуб Словенияның «Олимпия» командасын (екі ойын қорытындысы бойынша — 3:1), Финляндияның КуПС клубын (3:2) және Словакияның «Слован» командасын (1:1, пенальти бойынша — 4:3) жеңіп шықты, ал плей-офф кезеңінде Шотландияның атақты «Селтик» командасын турнирден шығарды (0:0, пенальти бойынша — 3:2).

Чемпиондар лигасының топтық кезеңіне шыққаны үшін «Қайрат» 18,62 миллион еуро (11,6 миллиард теңге) табыс тапты. Жалпы кезеңде жеңіс үшін — 2,1 миллион еуро (1,3 миллиард теңге), ал тең ойын үшін — 700 мың еуро (436 миллион теңге) сыйақы қарастырылған.

Айта кетейік, кеше Алматыда Чемпиондар лигасының плей-офф кезеңінің жауапты ойыны өтті. Онда алматылықтар шотландиялық «Селтикпен» кездесіп, қос ойынның қорытындысы бойынша алғаш рет өз тарихында Чемпиондар лигасының топтық кезеңіне жолдама алды.

Соңғы жаңалықтар