CNN арнасының негізін қалаушы Тед Тернер 87 жасында дүниеден өтті
АСТАНА. KAZINFORM — Американың жетекші медиа-арнасы CNN-нің негізін қалаушы, тележурналистикаға 24 сағаттық хабар тарату тұжырымдамасын әкелген тұлға Тед Тернер 87 жасында қайтыс болды, деп хабарлайды Анадолы.
Тед Тернер медиа саласындағы мансабын 24 жасында бастаған. Медиамагнат 1980 жылы 1 маусымда әлемдегі алғашқы 24 сағаттық жаңалық тарататын телеарна CNN-ді құрды. Сол арқылы медиа индустриясында жаңа бағыт ашты.
Сол кезде жаңалықтар тек белгілі сағаттарда берілетінін ескерсек, бұл өте жаңашыл концепция болды. Кейін бұл тәжірибе бүкіл әлемде қолданысқа енді.
Тернер CNN-ді «өміріндегі ең үлкен жетістік» деп атаған және 1996 жылы өз телеарнасын «Warner Bros. Discovery» компаниясына (бұрынғы «Time Warner») сатқан.
АҚШ президенті Дональд Трамп әлеуметтік желідегі мәлімдемесінде CNN бүгінгі таңда Тернердің барлық ісіне толық қарама-қайшы келеді деп атап өтті.
Трамп сондай-ақ Тернерді телерадиохабар тарату тарихындағы ең ұлы тұлғалардың бірі деп бағалады.
Биыл қаңтар айында «Үйде жалғыз» фильмінің жұлдызы Кэтрин О’Хара дүниеден өткен еді.
