Данияр Елеусіновтің жекпе-жегінде Фируза Шәріпова комментатор болады
АЛМАТЫ. ҚазАқпарат - Данияр Елеусіновтің жекпе-жегінде Фируза Шәріпова «Хабар» арнасының тікелей эфирінде комментатор болады, деп хабарлайды ҚазАқпарат тілшісі.
Екі салмақ дәрежесі бойынша бірнеше чемпиондық белбеудің иегері Қазақстандық кәсіпқой боксшы Фируза Шәріпова өз отандасы Данияр Елеусіновтің кәсіпқой бокстағы бесінші жекпе-жегі туралы тікелей эфирден ақпарат тарататын болады.
Олимпиада чемпионы Данияр Елеусінов өзінің бесінші жекпе-жегінде тәжірибелі боксшы лақап аты «Бомбардир» Никарагуа Маркос Мохикамен кездеседі. Оның қоржынында 16 жеңіс бар, оның ішінде 12 қарсыласын нокаутпен жеңген.
Бокс кеші «Хабар» арнасы ертең сағат 01:00 кезінде тікелей эфирден көрсетеді. Елеусіновтың бұған дейінгі төрт жекпе-жегі де алты раундтан болған.
Айта кетейік, жақында Фируза Шарипова жыл адамы деп танылып, «Алтын адам» мүсінін алған. Оның келесі жекпе-жегі WBC нұсқасы бойынша әлем чемпионы финляндиялық Ева Вальстремге қарсы өтеді.
