ДӘРІГЕРЛЕР ДАБЫЛЫ: шетелдік жемістерден өмірге қауіпті улы заттар табылып жатыр

АСТАНА. ҚазАқпарат - Қостанай базарларында қауіпті көкөністер сатылып келген. Ішіне у тараған тағамдарды санитар дәрігерлер тексеріс барысында байқап қалды, деп хабарлайды КТК арнасы.

Тексерушілер 380 түрлі азық-түлікті сүзгіден өткізген екен. Сөрелерде жайнап тұрған жеміс-жидектердің құрамына да көз жүгірткен. Сынаққа түскен көкөністерден нитрат табылғанда, дәрігерлер шалқасынан түсердей болған. Өйткені, қышқылдың нақ осы түрі адамның өміріне аса қауіпті екен. Атап айтсақ, улы зат оңтүстіктен жеткізілген қызыл шие мен көк пияздан шыққан. «Қара тізімді» шетелдерде ғана пісетін - авокадо, киви, манго, апельсин сынды экзотикалық жемістер де толықтырды. Дәрігерлер енді бұл тағамдардан аулақ жүруге кеңес береді.