Дәурен Абаев астаналықтардың жаңа жұмыс кестесі жайлы айтты
«Жұмыс кестесінің әр уақытта болуы - кептелісті шешу тәсілдерінің бірі.
Егер Астана қаласының әкімдігі барлық мекемелер үшін емес, кейбіреулері үшін 10-15 минут аралықпен жұмыс уақытын ауыстырса, бұл кептелісті азайтар еді, тиімділік артып, бұдан елорда тұрғындары тек ұтады», - деді министр, «Хабар» арнасында «Ашық диалог» жобасы аясында биліктің бастамасына пікірін білдіре отырып.
Сондай-ақ Дәурен Абаев қалалықтарды әкімдіктің бастамасын қолдауға шақырды. «Мен Президенттің баспасөз хатшысы болған кезімде әлемнің көптеген елдеріне бардық. Бұл практика барлық жерде бар. Токиода, Берлинде. Голландияда жұмысшылар таңғы 6-дан үшке дейін жұмыс істейтінін нақты білемін. Үште жұмыстарын аяқтайды да, күні бойы бос болады», - деді ведомство басшысы.
1 маусымнан бастап Астана тұрғындарының жұмыс кестесі өзгеретінін атап өтеміз. Шара ЭКСПО қарсаңында елорда жолдарының жүктемесін азайту үшін енгізіледі.
Құрылыс компанияларының жұмыс кестесін - 09.00 - 07.00, өнеркәсіптік және өндірістік сектор ұйымдарымен бірлесіп қаланың коммуналдық қызметтерін - 09.00 - 07.30, қаржы институттарымен бірлесіп, халыққа қызмет көрсету орталықтарын - 09.00 - 10.00, сауда және демалыс ұйымдарын - 10.00 -10.30, ұлттық компанияларды - 09.00 - 09.30, сондай-ақ республикалық басқару органдары мен жергілікті атқарушы органдарының жұмыс кестесін - 09.00 - 08.30, білім беру мекемелерін (колледж және ЖОО-лар) - 08.00- 10.00-ге дейін өзгерту ұсынылады.