Дәурен Мақажанов «Аграрлық несие корпорациясы» АҚ басқарма төрағасы қызметіне тағайындалды
АСТАНА. 15 сәуір. ҚазАқпарат - «Аграрлық несие корпорациясы» АҚ директорлар кеңесінің шешімімен корпорацияның басқарма төрағасы қызметіне Дәурен Мақажанов тағайындалды, деп хабарлайды корпорацияның баспасөз қызметі.
Корпорацияның жаңа басшысын таныстырған «ҚазАгро» Ұлттық басқару холдингі» АҚ-ның басқарма төрағасы Берік Бейсенғалиев банк құрылымдарында жинаған тәжірибесі, сондай-ақ Қазақстанның агроөнеркәсіптік кешеніндегі жұмыстардың ұстанымдарын түсінуі Д.Мақажановқа корпорация қызметін тиімді етуге көмектесетінін атап өтті.
