?Даймонд Групп? компаниясы туристік қызметті дамыту мақсатында 4 617 млн. теңге инвестиция салуды жоспарлап отыр

ҚЫЗЫЛОРДА. Қаңтардың 22-сі. ҚазАқпарат /Руслан Игілік/ - Сыр өңіріндегі туристік қызметті дамыту мақсатында ?Даймонд Групп? компаниясы Қармақшы ауданы аумағында бірнеше жобаны жүзеге асыру үшін облыс пен аудан экономикасына 4 617 млн. теңге көлемінде қаржылай инвестиция салуды жоспарлап отыр,

деп хабарлайды ҚазАқпарат тілшісі. 2006 жылы Жосалы кентінде жалпы құны 40 миллион теңгені құрайтын 33 орындық үш жұлдызды қонақүйді пайдалануға берген жеке кәсіпкер Алмас Мырзабеков бұл бағыттағы жұмыстардың жүйелі жүргізілетінін айтуда. Ұлы Жібек жолының бойында орналасқан Байқоңыр ғарыш айлағы, Қорқыт Ата кесенесі, Сырлы там, Марал баба, Алтын асар сынды басқа да тарихи ескерткіштер мен қасиетті орындардың туризм саласында алар орны аз болмаса керек.