Delta компаниясы ұшағының бортында лаңкестік оқиғаның алды алынды
«Орын алған оқиғаны лаңкестік әрекет ретінде бағалау керектігіне біз сенімдіміз», деп хабарлайды Associated Press Ақ үйдің өкіліне сілтеме жасап.
Ұшақ бортында лаңкестік әрекет жасамақ болған жолаушының тұлғасы анықталды. Ол нигериялық Абдул Мудаллад, деп хабарлайды ресми дерек көздер.
Британдық Sky News телеарнасының хабарлауынша, жауап алу кезінде әлгі азамат, лаңкестік әрекетті жасауға оған «Әл-Кайеда» лаңкестік тобы тапсырғанын мәлім еткен.
Естеріңізге сала кетейік, бұл оқиға туралы ақпарат алғашында мұншалықты күрделі болмаған еді. Алғашқы мәліметтер бойынша, жолаушылардың бірі ұшып бара жатқан ұшақтың ішінде отшашу шашпақ болады. Кейіннен, әлгі пиротехникалық бұйымның қолдан жасалған бомба екені анықталады.
Оқиға кезінде ұшақ бортында 278 жолаушы болған, оқиға кезінде бірнеше жолаушы жеңіл жарақат алады. Оқиғаға кінәлі де зардап шегеді. Ол орташа күйік жарақатымен ауруханаға жеткізілген.