Депутат И. Аронова Қостанай облысының жұртшылығымен жүздесуде
АСТАНА. 11 қаңтар. ҚазАқпарат - Бүгін Мәжіліс депутаты Ирина Аронова Қостанай облысының жұртшылығымен кездесу өткізді.
Халық қалаулысы «Жанұя» отбасылық үлгідегі Балалар үйінің және Қостанай облыстық балалар үйінің педагогикалық ұжымымен және тәрбиеленушілерімен танысты. Ол сондай-ақ Қостанай облыстық онкологиялық диспансері, Қостанай облыстық көпбейінді аурухана, Заречное ауылдық дәрігерлік амбулаторияның медициналық қызметкерлерімен және меценаттар клубының мүшелерімен кездесті.
Сапар барысында Таран, Қостанай аудандарының тұрғындарымен, сондай-ақ ҮЕҰ-ның басшы әйелдерімен және Қостанай облыстық мәслихат депутаттарымен кездесу жоспарланған.
