Диего Марадона 36 жыл бұрын даулы гол соққан доп аукционға шығарылады

АСТАНА. ҚазАқпарат – Атақты Диего Марадона 36 жыл бұрын даулы гол соққан доп аукционға шығарылады. Бұл туралы ҚазАқпарат euronews-ке сілтеме жасап хабарлайды.

Аргентиналық футболшының 1986 жылғы әлем чемпионатының Англияға қарсы ширек финалында соққан атақты голы кейіннен «Құдай қолы» деп аталып кеткені белгілі.

Кездесу аяқталғаннан кейін даулы голды есепке алған бас арбитр допты алып кеткен.

Сол доп қарашаның аяғына қарай Лондонда аукционға шығарылмақ.

Сарапшылардың пайымдауынша, ол 3 млн фунт стерлингіге дейін бағалануы мүмкін.

Фото: euronews.com