Дүниежүзілік банк Зика безгегімен күресуге $150 млн бөлді

АСТАНА. ҚазАқпарат - Дүниежүзілік банк Зика безгегімен күреске 150 миллион доллар бөлді, делінген банктің бейсенбі күнгі таратқан баспасөз хабарламасында. Бұл туралы ресейлік «РИА Новости» агенттігі хабарлайды.

«Латын Америкасы мен Кариб бассейніндегі Зика безгегінен зардап шеккен елдерге қолдау көрсету үшін Дүниежүзілік банк тобы жедел қаржыландыруға 150 миллион доллар бөлгендігін жария етті», - делінген хабарламада.

«Қаржыны тарату елдерді қазіргі қаржыланду қажеттілігі мен өңірдегі мемлекеттер үкіметтерімен келіссөз нәтижесінде жүргізіледі. Қажеттілік туындаған жағдайда Дүниежүзілік банк тобы қосымша қаржы бөлуге дайын», - деп көрсетілген ақпаратта.

Зика безгегі - маймылдарда тараған жұқпалы ауру, адамдарға масалар жұқтырады. Вирус жүкті әйелдерге қауіп төндіреді, өйткені ол жатырдағы нәрестенің миына зақым келтіреді.