Джейкобс Головкинді Тайсонмен салыстырды

АСТАНА. ҚазАқпарат - Америкалық  бокшы Дэниэл Джейкобс (32-1, 29 КО)   Геннадий Головкинді (36-0, 33 КО)   Майк  Тайсонмен салыстырды, деп хабарлады  Sports.kz.

-  Ұқсас жағдайды  Майк  Тайсонның айқастарынан көрдік. Мықты боксшы болып жүреді де, Тайсонға қарсы шыққанда, мазалары қашып, сасып, үздік бокс көрсете алмай қалады.

Мен әуесқой бокста Мартин Мюрреймен бір-екі рет жұдырықтасқанмын. Ол өжет көрінген. Головкинмен жекпе-жекте қашып құтылар жер таппай қалды.  Оның айқасқа құрған жоспары дұрыс болмай, қорқып қалғанын байқадым. Мұны игеру күрделі,  алайда мұндай қысымда төзімділік пен байсалдылықты жоғалтпау маңызды. Мұның барлығын тыңғылықты зерделедік деп ойлаймын, - деді Джейкобс.