ЕАЭО Мемлекет басшылары Қазақстанның ДСҰ-ға қосылуын талқылады

БУРАБАЙ. ҚазАқпарат - Еуразиялық Экономикалық одақ Мемлекет басшылары Қазақстанның Дүниежүзілік Сауда Ұйымына қосылуын талқылады. Бұл туралы бүгін Ақмола облысына қарасты Бурабай курорттық аймағында өткен Жоғары Еуразиялық экономикалық кеңестің кеңейтілген құрамдағы отырысынан кейін Еуразиялық экономикалық комиссия алқасының төрағасы В.Христенко мәлім етті, деп хабарлайды ҚазАқпарат тілшісі.

«Қазақстанның Дүниежүзілік сауда ұйымына кіруіне байланысты бұл шешімнің одақ нормаларына үйлесуін қамтамасыз ететін барлық құжаттар топтамасын Мемлекет басшылары қабылдады. Бір жағынан, олар Қазақстанның Дүниежүзілік Сауда ұйымына қосылуы барысында қабылдаған міндеттемелерін Қазақстан нарығында таралуына мүмкіндік береді. Екінші жағынан, одақ бойынша серіктес елдерге тариф айырмашылығында ешқандай зиянын тигзбеуі үшін әкімшілік жүйені қалыптастырады», - деді ол.

Виктор Христенконың атап өтуінше, Қазақстанның халықаралық сауда ұйымына кіруіне байланысты мыңнан астам тауарлық ұстанымның тарифтік нормасын одақ нормасына сәйкестендіру туралы шешім қабылданған.

«Бұл шешімдер біздің елдеріміздің парламенттері ратификациялық процедураларды аяқтағаннан кейін күшіне енеді. Мемлекет басшыларының есептеуінше, бұл процес біздің парламенттерімізде 15 желтоқсанға дейін аяқталу тиіс», - деді ол.