Эдди Хирн: Қомақты ақша ұсынылса, Карл Фроч Геннадий Головкинмен шығуға дайын

АСТАНА. ҚазАқпарат - Промоутер Эдди Хирн британдық боксшы Карл Фроч үлкен гонорарлар берілген жағдайда WBA (Super) және WBC (Interim) чемпионы Геннадий Головкинмен шығуға дайын екендігін мәлім етті.
None
None

Бұл туралы GGG командасының ВКонтакте-дегі ресми парақшасында хабарланды.

Хирн нақты соманы айтқан жоқ, дегенмен Фроч Гроувзбен болған өзінің соңғы жекпе-жегінде 13 миллион доллар алған болатын.

«Біз Том Леффлермен осы кездесу жайында көп сөйлестік. Егер PPV көрсетілім қатарынан екі жерде - Англияда және АҚШ-та өткізілген болса, мүмкін осы жекпе-жекті ұйымдастыруға қаражат жетіп те қалар еді, - дейді Хирн Behind The Gloves-ке берген сұхбатында. - Кейде адамдар түсініңкіремейтін секілді. «Сіздер бұл кездесуді жанкүйерлер үшін жасауларыңыз керек», деп айтып жатады. Кешіріңіздер, бірақ олай болмайды. Бұл - өте қауіпті спорт. Көп жылдар бойы еңбек етіп, тірнектеп атақ-абыройын жинап келген боксшылардың ешқайсысы жай ғана қауіпті жекпе-жекке шыға салмайды. Егер қаражат қомақты болса, жекпе-жек орын алады. Карл жұдырықтасуға дайын, бірақ ол үлкен гонорарды қалайды».

Соңғы жаңалықтар