Эдуард Ещенко Париж Олимпиадасының іріктеу кезеңінен аса алмады

ПАРИЖ. KAZINFORM – Франция астанасы Париж қаласында өтіп жатқан Олимпиада ойындарында бүгін стенд атудан Қазақстан құрамасының мүшесі Эдуард Ещенко іріктеу кезеңінде сынға түсті. 

Өкінішке қарай отандасымыз стенд атудың скит бәсекесінің іріктеу сынынан ары аса алмады. Жарысқа жалпы саны 30 спортшы қатысты. 

Эдуард Ещенко 115 ұпай жинап, жалпы есепте 26-орынға жайғасты. 

Сонымен қатар тағы бір қазақстандық спортшы Мария Дмитриенко трап сайысында 10-орыннан көрініп, ол да финалдық кезеңнен тыс қалды. 

Енді стенд ату спортынан тағы бір отандасмыз Әсем Орынбай сынға түседі.

Естеріңізге сала кетейік, бүгін дзюдодан Қазақстан құрамасы аралас сайыста бразиялықтардан 4:2 есебімен жеңіліп қалды. 

Әзірге Қазақстан қоржынында 1 алтын, 2 қола медаль бар.