Екі аяқты марғау Instagram жұлдызына айналды

АСТАНА. ҚазАқпарат - Алдыңғы екі аяқсыз туылған марғаудың Instagram желісіндегі парақшасына 1 ай ішінде 50 мың адам жазылған, деп хабарлады www.24.kz.

Ал оның иесі Джеки Дик Эйки (Jackie Deak Akey) мысықты жануарларға арналған бейімдеу орталығынан өткен жылғы қазанда алып кеткен екен. Қожайыны марғауға Lil' Bunny Sue Roux («Көжек Сью Ру») деген ат қойған. Оның айтуынша, Ру үйге тез бейімделіп, қолға үйреніскен. Жүрісі де шапшаң. Қажет болса Ру артқы екі аяғымен кенгуруларша жүгіреді екен. Ол барлық мысықтар сияқты тамақ жегенді, денесін керіп ұйықтағанды, ойыншық тышқанмен ойнағанды ұнатады. Ал келешекте мысықтың иесі оған протез кигізуді жоспарлауда. Себебі небәрі 2 аяқпен арлы-бері жүгіре беру оның денсаулығына зиян келтіруі мүмкін, деп жазады lenta.ru.