Екі облыс аумағындағы жолдар жабық тұр
АСТАНА. 4 желтоқсан. ҚазАқпарат - Еліміздің екі облысындағы республикалық жолдар жабық тұр. Бүл туралы бүгін «Қазақавтожол» РМК баспасөз қызметі мәлім етті.
Алматы облысы аумағындағы боранға байланысты 30 қарашада сағат 14.30-дан бастап «Үшарал-Достық» автожолының 93-184 шақырымы аралығында автокөліктің барлық түрлері үшін жолға шығуға тыйым салынды.
Ал, кеше сағат 21.00-ден бері Қостанай облысы аумағындағы барлық бағытта қоғамдық автокөлік түрлері үшін жол қозғалысына шектеу қойылды.
