ЭКСПО аумағындағы пәтерлерді сату уақытша тоқтатылды

АСТАНА. ҚазАқпарат -Астанадағы ЭКСПО аумағындағы пәтерлерді салып алуға өтніштерді қабылдау уақытша тоқтатылды, деп хабарлайды ҚазАқпарат «Бәйтерек девелопментке» сілтеме жасап.

«2019 жылғы 16 қаңтардан бастап екінші деңгейлі банктер ипотекасы мен дайын ақшаға сату механизмі бойынша «ЭКСПО-2017» халықаралық көрмесі аумағында орналасқан пәтерлерді сатып алуға өтінімдерді қабылдау уақытша тоқтатылды. Жылжымайтын мүлікке сұраныс пен халықтың төлем қабілеттілігін ескеріп, тұрғын үйлерді өткізудің қосымша тетігі әзірленбек», - делінген компанияның хабарламасында.