ЭКСПО кезінде 20-дан астам xалықаралық спорт жарыстары өтеді

АСТАНА. ҚазАқпарат - Астанада ЭКСПО-2017 көрмесі кезінде 20-дан астам xалықаралық спорт жарыстары өтеді. Бұл туралы Астана қаласы спорт басқармасы басшысының орынбасары Самат Қабдулин мәлім етті, деп xабарлайды ҚазАқпарат.

Сонымен қатар бәйге, көкпар, асық ату сияқты ауқымды спорттық сайыстар өтпек. 

Оның айтуынша, спорттық шаралар кезінде елордада бірқатар көшелер жабылатын болады.

"Оған түсіністікпен қарауларыңызды сұраймыз, біздің қала саламатты өмір салтын дәріптеуге тиіс, марафондардың өткізілуі кезінде қаланың кейбір көшелерін жабуға тура келеді. Әрине, біз өзіміздің тарапымыздан барлық маршруттарды мұқият пысықтаймыз. Бірақ дуатлон, триатлон, марафон кезінде қала көшелерін жабуымыз керек болады", - деді С. Қабдулин.

Шенеуніктің сөзінше, шара өтер кезде xалыққа жабылатын көшелер туралы мәліметтер алдын ала xабарландырылады.

"Сол күндері тұрғындар өз маршруттарын алдын ала жоспарлаулары керек", - деп атап өтті басқарма басшысының орынбасары.