Эквадор үкіметі уақытша Гуаякильге көшіріледі

АСТАНА. KAZINFORM — Эквадор президенті Даниэль Нобоа жұма күні үкіметтің жергілікті мәселелерді шешу үшін бірнеше аптаға оңтүстік-батыстағы Гуаякиль қаласына көшетінін мәлімдеді, деп хабарлайды Xinhua. 

Президенттің айтуынша, билік Гуаякильде қала береді, «күн сайын жұмыс істейді, шешімдер ұсынады, мәселелерді шешеді». Ол көшудің нақты күнін атаған жоқ.

Даниэль Нобоа сондай-ақ бірнеше саясаткерді «ойларына келгенін істеп, эквадорлықтардан ақша, армандар мен мүмкіндіктерді ұрлады» деп айыптады. Ол көшіру жағдайды өзгертіп, жергілікті тұрғындарға қажетті қауіпсіздікті қамтамасыз ететінін қосып өтті.

Елдің оңтүстік-батыс жағалауында орналасқан Гуаякиль — Эквадордың ең ірі және ең маңызды қалаларының бірі.

Бұл мегаполис сонымен қатар елдегі соңғы кездегі зорлық-зомбылықтың күшеюінен ең көп зардап шеккен қалалардың қатарында.

Бұған дейін елімізге Эквадордан келген гүл партиясынан батыс гүл трипсі анықталғанын жазған болатынбыз.