Эквадорда президенттік сайлаудың екінші кезеңі өтуі мүмкін

АСТАНА. KAZINFORM — Эквадорда президенттік сайлаудың екінші кезеңі өтеді, себебі қазіргі кезде есептелген 90 пайыздан астам дауыс ешбір кандидаттың жеңіске жету үшін қажетті дауыс санын жинай алмағанын көрсетіп отыр.

Синьхуа ақпарат агенттігінің мәліметінше, Ұлттық сайлау кеңесінің дүйсенбі күні жарияланған мәліметіне сәйкес, дауыстардың 92,82 пайызы есептелгеннен кейін қазіргі президент — «Ұлттық демократиялық қозғалыстан» кандидат Даниэль Нобоа 44,5 пайыз дауыспен алда екені белгілі болды. 

Одан кейін тізімде 43,86 пайыз дауыс жинаған «Азаматтық революция» солшыл қозғалысының кандидаты Луиса Гонсалес тұр. 

Үшінші орында 5,04 пайыз дауыспен «Пачакутик көпұлтты бірлігі қозғалысынан» кандидат Леонидас Иза тұр. 

Эквадор конституциясына сәйкес, кандидат 50 пайыздан астам дауыс жинаса немесе кемінде 40 пайыз дауыс жинап, қарсыласынан 10 пайыздан астам басым түссе бірінші турда президент болып сайланады.

Эквадорлықтар жексенбі күні ел президенті, вице-президент, Ұлттық ассамблеяның (парламент) 151 мүшесін және Анд парламентінің бес мүшесін сайлау үшін дауыс беру учаскелеріне барды.

Бұған дейін хабарланғандай, Эквадорда президент сайлауы өтіп жатыр. Эквадорда халқы төрт жыл бойы елді басқаратын мемлекет басшысын таңдайды.