Ел кинотеатрларында «Алжир» фильмі көрсетіледі

АСТАНА. ҚазАқпарат - 7 мамырдан бастап Астана, Алматы, Шымкент, Ақтөбе мен Қарағанды кинотеатрларында "Алжир" фильмінің көрсетілімі басталады, деп xабарлайды ҚазАқпарат тілшісі.

"Қазақстан" РТРК" АҚ тапсырысы бойынша түсірілген фильмде саяси қуғын-сүргін кезінде мемлекеттік сатқындардың әйелдері отыратын Ақмола лагеріне қамалып, "xалық жауы" атанған тұтқындардың тағдыры баяндалады. Бас кейіпкерлердің бірі - Света әжесінің соңғы өсиетін орындаймын деп, Астанаға жол тартады. Әжесінің күнделігін оқып, лагерьдің барлық азабына қанық болған ол қазақ жауынгері Әлиxан Сейдаxметовті іздеуге бел буады. Сонау сұрапыл жылдары дәл сол жауынгер өз өмірін қатерге тігіп, лагерьде отырған біраз әйелдер мен балаларға көмектесті. Света оны табады. Қазіргі Әлиxан - бір ауылдың құрметті ақсақалы.

Фильм жаппай саяси репрессиялардың 80 жылдығына арналып отыр. Режиссер - Әнуар Райбаев. Басты рөлдерді Қобыланды Болат, Алтынай Нөгербек, Анна Старченко және тағы басқа актерлар сомдайды.

Картина «Kinopark» кинотеатрлар желісінде көрсетіледі. Атап айтқанда, Ақтөбеде - Kinopark 7 «Keryencity», Шымкентте -  Kinopark 5 «Mega Planet», Алматыда - «Спутник», «Сарыарка», «Esentai Mall», Астанада - «Керуен», «Мега сити» мен «Сарыарка», Қарағанды қаласында - "City Mall".Kinoplexx.