Ел өңірлерінде тұман мен желдің күшеюі сақталады

АСТАНА. ҚазАқпарат - Атмосфералық фронттардың өтуіне байланысты 16 наурыз күні республиканың оңтүстік және оңтүстік-шығысында аздаған жауын-шашын болады.

Кей жерлерді тұман басып, желдің күшеюі сақталады. Бұл туралы «Қазгидромет» РМК-дан хабарлады.

Ақмола, Батыс Қазақстан, Қостанай, Солтүстік Қазақстан, Павлодар, Қарағанды, Алматы, Жамбыл, Оңтүстік Қазақстан, Шығыс Қазақстан облыстарының кей жерлерінде тұман күтіледі, сондай-ақ Жамбыл, Оңтүстік Қазақстан, Шығыс Қазақстан облыстарының жекелеген аумақтарында желдің екпіні 15-20 м/с күшейеді.

Күндіз Қызылорда, Маңғыстау, Атырау облыстарының кей жерлерінде жел 15-20 м/с артады.