Елбасы Қазақстанның көп балалы аналарын «Алтын алқамен» марапаттау туралы Жарлыққа қол қойды
АСТАНА. 7 наурыз. ҚазАқпарат - Бүгін Ақордада Елбасы Нұрсұлтан Назарбаев 8 наурыз - Халықаралық әйелдер күніне орай «Көктем шуағы» Қазақстанның әйелдер қоғамдастығы өкілдерімен кездесуі барысында 32 жастағы көпбалалы ана Самал Мақатоваға «Алтын алқа» тапсырды.
С. Мақатованың 7 баласы бар. Мемлекет басшысы көпбалалы ананы құттықтай келе, «бүгінгі кездесуді пайдалана отырып «Алтын алқаны» сізге өз қолыммен тапсырамын. Ал қалған «Алтын алқаларды» өз иелеріне жергілікті әкімдер мен министрлерге тапсыруды жүктеймін»,-деді.
Сондай-ақ Елбасы Қазақстандағы көп балалы аналарды марапаттау жөніндегі Жарлыққа қол қойғандығын жеткізді.
