Елді жаңа индустрияландыру міндеттерінің шешімі - әрбір қазақстандықтың ұстанымына байланысты - Қазақстан кәсіпкерлері қауымдастығының президенті Т.Доскенов

ҚАРАҒАНДЫ. Маусымның 3-і. ҚазАқпарат /Валентина Елизарова/ - Елді жаңа индустрияландыру, инновациялық технологияларды енгізу жөніндегі Елбасы алған қойып отырған үлкен міндеттердің шешімі әрбір қазақстандықтың ұстанымына, ең алдымен, әрбір кәсіпкерге байланысты, деп санайды Қазақстан кәсіпкерлері қауымдастығының президенті Талғат Доскенов.

Бизнес-қауымдастықтың жетекшісі бұл туралы «Нұр Отан» партиясының бастамасымен Қарағандыда «Аймақтардың индустриялық дамуы: мақсаттар мен міндеттер» деген тақырыпта өткен аймақаралық форумда журналистерге айтты.

«Менің ойымша, индустрияландыру жөніндегі міндеттерді әрбір қазақстандықтың күшімен шешу үшін, Үдемелі индустриялық-инновациялық даму бағдарламасының тарауларын халыққа түсіндіру жөніндегі идеологиялық жұмыс аса қажет. Дағдарыс - нақты өндірістен гөрі, виртуальдылықтың басым болуының салдары. Бүгінде содан сабақ алып, алға қозғалуымыз, жаңа экономика құруымыз керек», дейді Т.Доскенов мырза.