Елімізде 2010 жылдың мамыр айында инфляция 0,6 пайызды құрады

деп хабарлайды ҚазАқпарат ҚР Статистика агенттігіне сілтеме жасап.

Агенттіктің мәліметінше, мамыр айныда азық-түлік тауарларының бағасы 0,7 пайызға, азық-түлікке жатпайтын тауарлардың бағасы - 0,5 пайызға, ақылы қызметтер 0,4 пайызға қымбаттаған. Сонымен қатар, өткен айда жеміс-жидектер мен көкөністердің бағасы - 2,7 пайызға, ет өнімдері - 1,5 пайызға, кофе, чай, какао 0,8 пайызға қымбаттаған. Ал, жұмыртқаның бағасы - 2,8 пайызға, сүттікі - 1,5 пайызға, күріштікі - 1,2 пайызға, ұндікі 1,1 пайызға төмендеген.

«Темекі өнімдерінің бағасы - 2,7 пайызға, цемент - 1,1 пайызға, жуатын және тазалайтын құралдар - 0,9 пайызға, жеке гигиена тауарлары - 0,7 пайызға, үй тұрмысында күнделікті пайдаланылатын заттар, киім-кешек пен аяқ-киім - 0,5 пайызға, фармацевтикалық препараттар 0,4 пайызға қымбаттады. Ал, дизель отынының бағасы - 2,6 пайызға, бензин 2,2 пайызға қымбаттады», делінген Агенттіктің хабарламасында. Көлік қызметтерінің бағасы -1,5 пайызға, денсаулық сақтау - 0,9 пайызға, демалыс, көңіл көтеру және мәдение қызметтер - 0,5 пайызға, шаштараздың және жеке қызмет көрсететін мекемелердің қызметтері - 0,4 пайызға, мейрамханалар мен қонақүйлер қызметтерінің бағалары 0,3 пайызға қымбаттаған. Ал, тұрғын-үй коммуналдық қызмет көрсету саласында суық судың тарифтері - 0,9 пайызға, құбырдікі - 0,8 пайызға, электр энергиясыныкі - 0,5 пайызға, қоқыс жинаудікі 0,2 пайызға ұлғайған.