Елімізде 2010 жылғы мамырда өнеркәсіп өнімдерін өндіруші кәсіпорындар бағасы 5,3 пайызға жоғарылады
Бұл туралы ҚазАқпарат ҚР Статистика агенттігіне сілтеме жасап хабарлайды.
Агенттіктің мәліметінше, ағымдағы жылғы мамырда сәуірмен салыстырғанда баға кен өндіру өнеркәсібінде 7,1, өңдеу өнеркәсібінде - 2,4, электр энергиясын, газ бен су өндіру және бөлуде - 0,5 пайызға жоғарылады. Өткен айда бағаның керосинге - 8,5, мұнайға - 4,7, дизель отынына - 2,3, табиғи газға және электр энергиясына - 0,7 пайыздан жоғарылауы, отындық мазутқа - 3,9, бензинге - 2,8, көмірге - 0,8 пайызға төмендеуі тіркелді.
Бір айда баға ферроқорытпаларға - 7, өңделмеген алюминийге - 5,4, мыс пен қымбат металдарға - 3,8-дан, қара металдар илегіне - 2,9-ға жоғарылады, қорғасынға - 0,1 пайыз төмендеді. Құс еті - 2,8, маргарин - 0,7, қант пен сүт өнімдері - 0,3 пайыздан, өсімдік майы мен макарон өнімдері - 0,2 пайыздан қымбаттады, жармалар - 1, бидай ұны - 0,9, балық - 0,4, нан - 0,2 пайзыға арзандады.