Еліміздегі төрт облыста күн -5 градусқа дейін суытады
АСТАНА. ҚазАқпарат - Қазақстанның көптеген аймақтарында құбылмалы ауа райы сақталады, соған байланысты кей жерлерде жаңбыр жауып, оңтүстік-шығыста кей жерлерінде қатты жаңбыр жауады, жел күшейеді. Кей жерлерде тұман болады, деп хабарлайды Қазгидромет.
Ақмола, Алматы, Жамбыл, Оңтүстік Қазақстан, Қостанай, Солтүстік Қазақстан, Қарағанды облыстарында кей жерлерінде тұман болады. Маңғыстау, Шығыс Қазақстан облыстарында жел 15-20 м/с күшейеді. Павлодар облысында, Ақмола, Солтүстік Қазақстан, Қарағанды облыстарының кей жерлерінде 0 -5 аяз, Жамбыл және Оңтүстік Қазақстан облыстарында топырақ бетінде 2 градус үсік күтіледі.
Оңтүстік Қазақстан, Қарағанды, Ақтөбе, Алматы, Шығыс Қазақстан облыстарының кей жерлерінде өте жоғары өрт қауіпі сақталады.
