Елордада донорлар мұқтаж жандарды емдеу үшін тегін қан тапсырады

АСТАНА. ҚазАқпарат - Бүгін елордада «Қан - өмір өзені, донор - денсаулық көзі» акциясы аясында донорлар қазақстандықтарды емдеу үшін тегін қан тапсырады.

Бұл туралы astana.kz сайтына Ұлы Отан соғысы мүгедектеріне арналған орталық клиникалық госпитальдан хабарлады.

«Қан - өмір өзені, донор - денсаулық көзі» акциясы аясында тегін қан тапсыруға Ауған соғысының ардагерлері және госпитальдің медицина қызметкерлері қатысады.

Еске салайық, іс-шара бүгін сағат 10.00 Ұлы Отан соғысы мүгедектеріне арналған орталық клиникалық госпитальда, Астана қаласы, Бөкейхан көшесі, 28 мекенжайы бойынша өтеді.