Елордада екінші ауысымда оқитын бастауыш сынып оқушылары онлайнға жіберілді

АСТАНА. KAZINFORM – Астанада ауа райына байланысты екінші ауысымда оқитын бастауыш сынып оқушылары онлайн форматқа ауыстырылды, деп хабарлайды Kazinform елорда әкімдігінің ресми сайтына сілтеме жасап. 

– 2024 жылғы 10 қаңтар күні ауа райының қолайсыздығына байланысты екінші ауысымның 0-4 сынып оқушылары қашықтан оқыту форматына ауыстырылады, - делінген Білім басқармасының хабарламасында. 

Еске сала кетейік, бұған дейін Оралда бірінші ауысымдағы 1-4 сынып оқушылары қашықтан оқитынын хабарлағанбыз.