Елордада Халықаралық гуманитарлық құқық орталығы өз жұмысын бастайды

АСТАНА. Тамыздың 16-сы. ҚазАқпарат /Қанат Мәметқазыұлы/ - Тамыздың 19-ында Астанада Лев Гумилев атындағы Еуразия ұлттық университеті жанындағы Халықаралық гуманитарлық құқық орталығы өз жұмысын бастайды.

Бұл туралы бүгін Сыртқы істер министрлігінде өткен дәстүрлі брифингте СІМ ресми өкілі Асқар Әбдірахманов мәлім етті.

Оның айтуынша, Орталықтың ашылу рәсіміне Орталық Азиядағы Қызыл Крест Халықаралық комитетінің және ҚР Сыртқы істер министрлігінің өкілдері қатысады деп жоспарланған.