Елордада кезекті жаңа пәтер иелері белгілі болды

АСТАНА. ҚазАқпарат - Астана қаласы Тұрғын үй басқармасының хабарлауынша, тұрғын үй коммуналдық қорынан пәтер алатын азаматтардың тізімі бекітілді, деп хабарлайды Астана қаласының ресми сайты.

Астана қаласы әкімдігінің 2015 жылғы 10 шілдедегі қаулысымен Қазақстан Республикасының тұрғын үй заңнамасына сәйкес коммуналдық тұрғын үй қорынан тұрғын үй алуға кезекке сәйкес «жетiм балалар, ата-анасының қамқорлығынсыз қалған балалар, халықтың әлеуметтік әлсіз топтары, мемлекеттік қызметшілер, бюджеттік ұйымның қызметкерлері, әскери қызметшілер, жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар» санаттары бойынша тұрғын үйге мұқтаждылар есебінде тұрған азаматтар тізімі бекітілді.

Айта кетейік, 2015 жылдың қаңтар-мамырында жалпы ауданы 766 427 шаршы метрді құрайтын 7 108 пәтер пайдалануға берілген.