Елордада КХЛ «Жұлдыздар матчына» арнайы автобустар қатынайды

АСТАНА. ҚазАқпарат - 13 қаңтарда өтетін «Мастер-шоу КХЛ 2018» және 14 қаңтарда өтетін «КХЛ жұлдыздар матчы» көрермендерін «Барыс Арена» кешненіне жеткізу үшін арнайы автобустар ұйымдастырылады, деп хабарлайды ҚазАқпарат әкімдіктің медиа орталығына сілтеме жасап.

Автобустардың жүру уақыты - сағат 12:00-ден 13:00-ге дейін жүреді.

Қоғамдық көліктер жолаушыларды «Қазақстан» СК тұрағы, Бөгенбай батыр ескерткіші жанында (Богенбай батыр - Сарыарқа даңғ. қиылысы), «Нұр Астана» мешіті тұрағы, «Жастар» сарайы» тұрағы, «Астаналық цирк» тұрағында күтеді.

Арнайы автобустардың жүру ақысы - 90 теңге, сондай-ақ жол жүру билеттері мен жеңілдігі бар билеттер жарамсыз.

Спорттық шара аяқталған соң «Барыс Арена» мұз айдыны тұрағынан қалаға апаратын арнайы автобустар ұйымдастырылады.10 қаңтар (сәрсенбі )

19-00 (жергілікті уақыт) - Әйелдер хоккей лигасының матчы (Тұран даңғылы, 75 үй, «Барыс-Арена»)

11 қаңтар (бейсенбі)
19-00 - Жастар хоккей лигасының Кубогы (Тұран даңғылы, 75 үй, «Барыс-Арена»)

12 қаңтар (жұма)
19-00 - Құрлықтық хоккей лигасы жұлдыздарының онйышыларын таныстыру (Мәңгілік Ел даңғылы, 55 үй, 2 б, «Hilton Astana» қонақ үйі)

13 қаңтар (сенбі)
13-30- Құрлықтық хоккей лигасы ойыншыларының мастер-шоуы (Тұран даңғылы, 75 үй, «Барыс-Арена»)

18-00 - Астана әкімдігінің атынан салтанатты қабылдау (Сарыарқа көшесі, 4 үй, «Radisson Blu» қонақ үйі)

14 қаңтар (жексенбі)
13-30 - Құрлықтық хоккей лигасының жұлдыздарының матчы (Тұран даңғылы, 45 үй, «Барыс-Арена»)