Елордада жас сарбаздар ант қабылдады
СТАНА. Шілденің 3-і. ҚазАқпарат /Айдар Оспаналиев/ - Бүгін елордадағы Отан қорғаушылар алаңында Ішкі әскерлердің Астана гарнизонына қарасты бөлімдеріндегі жас сарбаздардың Әскери ант қабылдау рәсімі өтті.
Шара барысында ішкі әскерлер қатарында жас жауынгерлер курсынан Астана гарнизонының № 5570 және № 3660 бөлімдерінің екі жүзден астам сарбазы ант қабылдап, Отан қорғаушылар қатарына қосылды. Шараға Ішкі істер министрлігінің Ішкі әскерлерінің қолбасшысы генерал-майор Руслан Жақсылықов, «Нұр Отан» халықтық-демократиялық партиясының Орталық аппараты мен Қазақстан
халқы Ассамблеясының өкілдері, сондай-ақ Ұлы Отан соғысының ардагерлері мен ант қабылдаушы сарбаздардың ата-аналары қатысты.
Ант қабылдау рәсімі 1995 жылдың сәуір айының 7-інде тәжік-ауған шекарасында жауынгерлік борыштарын өтеу барысында қазақ тапқан Ішкі әскер сарбаздарына арналған Ерлік аллеясындағы ескерткіш тақтаға гүл қоюдан басталды. Сондай-ақ ержүрек жауынгерлердің құрметіне үш дүркін оқ атылып, бір минут үнсіздік жарияланды.
