ЕО халқы бір жылдың ішінде қоныс аударушылар есебінен 1,5 млн адамға өсті

БРЮССЕЛЬ. ҚазАқпарат - Еуропалық одақтың халқы қоныс аударушылар арқасында бір жылдың ішінде 1,5 млн адамға өсті. Мұндай деректі Еуростат еуропалық статистикалық қызметі дүйсенбі күні келтірді, деп хабарлайды «ҚазАқпарат» ХАА тілшісі.

«2017 жылдың 1 қыркүйегіндегі жағдай бойынша Еуроодақтағы халық саны 511,8 млн адам болған, бұл көрсеткіш 2016 жылдың 1 қаңтарында 510,3 миллионды құраған», - деп хабарлады Еуростат.

ЕО елдерінің ішінде Германия халық көп қоныстанған ел болды - 82,8 млн тұрғын (немесе 2017 жылдың 1 қаңтарындағы ЕО жалпы халқының 16,2%-і). Одан кейін тұрғындары саны бойынша Франция (67 млн немесе 13,1%), Ұлыбритания (65,8 млн немесе 12,9%), Италия (60,6 млн немесе 11,8%), Испания (46,5 млн немесе 9,1%) және Польша (38,0 млн немесе 7,4%) тұр.

2016 жылдың ішінде тұрғындар саны ЕО-ға мүше 18 елде артып, он мемлекетте азайған. Халықтың көбеюі  Люксембургте (1 мың тұрғынға + 19,8%), Швецияда (+14,5%), Мальтада (+13,8%), Ирландияда (+10,6%) және Аустрияда (9,5%) байқалған. Керісінше, халық санының азаюы Литвада (-14,2%), Латвияда (-9,6%), Хорватияда (-8,7%), Болгарияда (-7,3%) және Румынияда (-6,2%) сезілді.