«Эовин» дауылы: Ұлыбританияда қауіптің қызыл деңгейі жарияланды
АСТАНА. KAZINFORM - Торнадо қаупіне байланысты Ұлыбританияның бірқатар өңірінде сирек қызыл дабыл белгісі жарияланды, деп хабарлады Sky News.
Осыған байланысты мыңдаған мектеп жабылады деп жоспарланған. Сонымен қатар жүргізушілерге жолға шықпау туралы ескерту жасалып, пойыздар қозғалысы тоқтатылды.
«Эовин» дауылы жұма күні таңғы сағат 7.00-ден 14.00-ге дейін Солтүстік Ирландияда, ал Шотландияның кей жерлерінде сағат 10.00-ден 17.00-ге дейін соғуы мүмкін. Метеорологтар «өте қауіпті жағдай» туралы ескертті.
Қызыл дабыл деңгейі метеорологиялық бюроның ең маңызды ескертуі болып саналады. Сонымен қатар ауа райы «пойыздарда, энергиямен қамтамасыз етуде елеулі бұзушылықтар тудыруы мүмкін және мүлік пен инфрақұрылымға ауқымды зиян келтіруі мүмкін» дегенді білдіреді.
Жарақат алу мен өмірге қауіп төнгендіктен, сары ескертулер қатары да енгізілді.
Қытайда торнадо кезінде бес адам қайтыс болғанын жазған болатынбыз.
