Ербол Әліқұлов ҚР мәдениет және ақпарат вице-министрі қызметінен босатылды

АСТАНА. KAZINFORM - Қазақстан Республикасы Үкіметінің қаулысымен Ербол Шымкентбайұлы Әліқұлов берген өтінішіне сәйкес мәдениет және ақпарат вице-министрі қызметінен босатылды. Бұл туралы Үкіметтің баспасөз қызметі хабарлайды.

Ербол Әлиқұлов 1974 жылы Оңтүстік Қазақстан облысында дүниеге келген.

Әл-Фараби атындағы Қазақ мемлекеттік ұлттық университетін бітірген.

Еңбек жолын 1996 жылы Б.Момышұлы атындағы Республикалық қайырымдылық қорының «Кәусар-бұлақ» баспасы директорының орынбасары болып бастаған. 1998-2002 жж. - «Асфар» ЖШС жарнамалық-полиграфиялық компаниясының директоры.

2002-2003 жж. - Түрксіб ауданы әкімі аппаратының нарықтық қатынастарды дамыту бөлімінің бас маманы.

2003-2005 жж. – отын-энергетика бөлімінің бастығы.

2005-2006 жж. Түрксіб ауданы әкімінің орынбасары қызметін атқарды.

2006-2009 жж. Алмалы ауданы әкімінің көмекші-кеңесшісі, Алматы қаласы Алмалы ауданы әкімінің орынбасары қызметтерін атқарды.

2009-2013 жж. Алматы қаласы Жетісу ауданының әкімі қызметін атқарған.

2013-2014 жж. – Алматы қаласы әкімі аппаратының басшысы.

2014-2016 жж. – «Алматы қаласының Жұмыспен қамту және әлеуметтік бағдарламалар басқармасы» КММ басшысы.

2016-2017 жж. - Қазақстан Республикасы Еңбек және халықты әлеуметтік қорғау министрлігі

2017-2022 жж. - Қазақстан Республикасы Президенті Әкімшілігінің мемлекеттік инспекторы

2022-2023 жж. - Қарағанды облысы әкімінің әлеуметтік сала, ішкі саясат және қоғамдық даму мәселелері жөніндегі орынбасары

2023 жылдың қазан айынан бастап тағайындалғанға дейін – Қазақстан Республикасы Мәдениет және ақпарат министрлігі аппаратының басшысы болды.

Осыған дейін Тимур Мұратовтың ҚР денсаулық сақтау вице-министрі қызметіне тағайындалғаны туралы жаздық.