Еркектер өзін-өзі күтуді әйелдерден үйрену керек - Қазақстан урологтары

Отандық урологтардың айтуынша, бүгінде ерлер денсаулығының жағдайы, эректильді қызметінің бұзылуы, әйелдерден гөрі еркектік бедеуліктің жиілей түсуі алаңдаушылық тудыратын жағдайға жеткен.
«Ең бастысы, еркектердің психологиясын өзгерту қажет. Бүгін конференцияда сөз сөйлеген менің әріптестерімнің барлығы еркектер өзін-өзі күтуді әйелдерден үйрену керектігін айтады. Ер адам өз саулығын ойлауы қажет. Бұл аса маңызды фактор», - деді ол.
Қазақстандағы ер азаматтардың репродуктивті денсаулығының қанағаттанарлық жағдайда еместігіне алаңдаушылық білдірген Б.Жарбосынов атындағы Урология ғылыми орталығы осы күрделі проблеманы шешу мақсатында жан-жақты қамтылған «Ерлер денсаулығы» бағдарламасын әзірлеуді ұсынды.
«Біз Ер адамдардың денсаулығы мемлекеттік бағдарламасын жасақтауға ұсыныс жасаймыз. Бағдарлама міндетті түрде мемлекеттік дәрежеге ие болуы шарт. Яғни 40 жастан асқан еркектердің 100 пайызы бұл бағдарламамен қамтылуы тиіс. Атап айтқанда, бастапқы диагностика, түрлі ауруларды алдын-алу шаралары. 40 жастан кейін ер адамдардың денсаулығы сыр бере бастайды. Оларда қант диабеті, қан-тамыр гипертониясы және тағы басқалары пайда болады. Осы тұста біз Қазақстанның 8 облысында құрған арнайы медициналық орталықтар ер адамдардың өмір сапасын жақсартуға кеңінен кірісуі тиіс», - деп түйіндеді сөзін Е. Әбілқасымов.