Еуразия даму банкі «Белинвестбанк» Беларус даму және қайта құру банкімен жаңғыртпалы несие желісі келісіміне қол қойды
АЛМАТЫ. 25 сәуір. ҚазАқпарат /Ерлік Ержанұлы/ - Бүгін Алматыда Еуразия даму банкінің (ЕДБ) баспасөз қызметі ЕДБ мен Беларус даму және қайта құру банкі арасында жаңғыртпалы несие желісі келісіміне қол қойылғанын хабарлады.
«Белинвестбанк» клиенттерінің экспорттық-импорттық операцияларын қаржыландыруға берілмек 20 миллион АҚШ доллары көлеміндегі несиелік желі 2 жыл мерзімге ашылып отыр.
«Біз саудалық қаржыландыруды өзара сауданы дамыту құралы ретінде және ЕДБ-нің өнімдер желісін кеңейту құралы ретінде қарастырып отырмыз. Экспорттық-импорттық операцияларды қаржыландыру банктің мүше-елдері субъектілері арасындағы корпоративтік және серіктестік байланыстың дамуына оң ықпалын тигізеді. Бұл өз кезегінде бірлескен кәсіпорындарды ашуға түрткі болады», - дейді ЕДБ-нің Басқарма мүшесі, Корпоративтік қаржыландыру жөніндегі басқарушы директоры Дмитрий Красильников.
«Белинвестбанк» жобалары 2010 жылдың мамыр айында қабылданған «ЕДБ-ның сауданы қаржыландыру құралдарын дамыту және мүше-мемлекеттер арасындағы өзара сауданы кеңейту бағдарламасы», аясында жүзеге асырылуда. Оған Беларус Республикасынан «БПС-Банк» пен «Белгазпромбанк», Ресейден «ЛОКО-Банк», «Ақ Барс», «Санкт-Петербург банкі» қатысуда.
