Евгений Кошкин конькимен жүгіруден Әлем кубогының кезеңінде қола жүлдегер атанды

АСТАНА. KAZINFORM – Қазақстандық конькимен жүгіруші Евгений Кошкин Нидерландтың Херенвен қаласында өткен әлем кубогының кезеңінде қола жүлдеге ие болды. Бұл туралы Ұлттық олимпиадалық комитет мәлім етті.

Спортшы 500 метр қашықтықта үшінші орын алды. Ол мәреге 34,30 уақыт көрсеткішімен жетіп, өз жеке рекордын жаңартты.

Жеңісті 34,18 нәтижесімен нидерландтық Еннинг Де Бо иеленді. Екінші орынды 34,27 уақытымен АҚШ спортшысы Джордан Штольц алды.

Айта кетейік, бұған дейін Кошкин Польшада өткен Әлем кубогының кезеңінде топ жарған еді.

Эдуард Ким әртістік жүзуден Әлем кубогының кезеңінде күміс жүлдеге ие болғанын жазған болатынбыз.