«Евровидение» ән байқауы жаңа эмблемасын ұсынды

АСТАНА. ҚазАқпарат - Еуропалық танымал «Евровидение» ән байқауы өзінің эмблемасын өзгертті, деп хабарланған байқаудың ресми сайтында.

Қазіргі таңда оған қатысты түрлі пікірлері білдірілуде. Кейбіреулер артқы фоны қара түсті болғандықтан, ол көңілсіздік ұялатады десе, енді біреулер бұл эмблема өткен жылдардағы Евровидение-2011, Балалар Евровидениесі-2010 сынды байқаулардың эмблемасын еске түсіреді дейді. Ал конкурсты ұйымдастырушы Джон Ола Санд логотиптің дизайны ғана өзгермегенін, енді ол жаңа мәнге ие болғанын айтады. Қарақошқыл түсті фон - бұл Жер шары символы. Жалпы, жаңа эмблема күш-қуат, жалпыадамзаттық құндылықтар мен шексіз мүмкіндіктер символы болып табылады. Онда «Building Bridges» («Көпірлер орнату») және дәстүрлі Eurovision Song Contest жазуы бар, сонымен қатар байқауды өткізетін елдің туы бейнеленген жүрекше келтірілген.