Финляндиядағы парламент сайлауында бәсекелестік мықты болады

БРЮССЕЛЬ. ҚазАқпарат – Бүгін таңғы сағат 9-да Финляндия парламентінде (Эдускунта) дауыс беру басталды. Скандинавия мемлекеттінің азаматтары алдағы төрт жыл бойы бір палаталық парламенттің құрамын құрайтын партия таңдауы тиіс, деп хабарлайды ҚазАқпарат меншікті тілшісі.

Финляндия Парламентінде 200 орынға 22 партиядан 2,4 мыңнан астам кандидат үміткер.

Жергілікті БАҚ бұл сайлауда сайлаушылардың рекордтық саны алдын ала дауыс бергенін атап өтті - 1,7 миллион адам немесе Финляндиядағы сайлаушылардың шамамен 40%. Лапландия парламенттік сайлауда мерзімінен бұрын дауыс берген ең белсенді сайлау округтеріне айналды. Осы аймақта дауыс бергендердің дауыс пайызы 45,7% құрады.

Бұл жолы Финляндиядағы сайлауда үш жетекші партияның жеңіске жету мүмкіндігі бірдей болады. Сауалнамалар көрсеткендей, «Ұлттық коалиция» консервативті партиясы (ҰКП) 19,8%, финдердің оңшыл ұлтшыл партиясы 19,5%, ал Социал-демократтар (СДП) 18,7% жинады.

Финляндияның қазіргі премьер-министрі 37 жастағы Санна Марин - әлемдегі ең жас премьер-министр және Социал-демократиялық партияның өкілі. Санна Марин елді COVID-19 пандемиясынан сәтті өткізді және елдің НАТО-ға кіру процесіне үлес қосты.

Соған қарамастан, оның қарсыластары үкіметті фин экономикасының құлдырауымен, инфляцияның өсуімен, шамадан тыс қарыз алуымен және мемлекеттік шығындармен күресуде әлсіз шаралар қабылдады деп айыптап отыр.

Сондықтан бәсекелес партиялардың көшбасшылары сайлаушыларға шығындарын азайтуға, жұмыссыздық пен тұрғын үй жәрдемақыларын көбейтуге және ЕО-ға кірмейтін елдерден иммиграцияны азайтуға уәде беруде.