Финляндияның ұлттық мұрағатынан қазақстандық әскери тұтқындардың 289 есеп карточкалары табылды
ПАВЛОЛАР. 26 сәуір. ҚазАқпарат - Павлодардың мамандары мұрағаттық-іздеу экспедициясы аясында Финляндия Республикасының ұлттық мұрағатында болды,
деп хабарлады Павлодар облысының мұрағаттар және құжаттар басқармасы.
Мұрағаттанушылар Финляндияның ұлттық мұрағатында сақталған 100 мың кеңестік әскерлердің есеп карточкаларының ішінен 1939-1940 жылдардағы 11 мың құжатты, 1941-1944 жылдардарғы 52 мыңнан астам құжаттар мен суреттерді қарап шықты.
Қазақстандық әскери тұтқындардың 289 есеп карточкалары табылды.
Шет елдің мұрағатында табылған материалдардың көшірмесі зерттеушілердің жұмысында қолданылатын болады, сондай-ақ «Біз сені ұмытпаймыз, жауынгер» атты суретқұжаттама көрмесінің экспозициясы мен Естелік кітабына енеді.
