Forbes рейтингі: Әлемнің ең ықпалды әйелдері

АСТАНА. ҚазАқпарат - Forbes 2017 жылғы әлемдегі ең ықпалды әйелдер рейтингін жасады.

Бірінші орынды осымен жетінші жыл қатарынан Германия канцлері Ангела Меркель ешкімге бермей келеді. Екінші орынды Ұлыбритания премьер-министрі Тереза Мэй иеленді. Оның рейтингі саясаттағы, әсіресе Brexit процесін жүргізудегі табысты қызметі арқылы көтерілді. Үшінші орында күйеуі Биллмен бірге әлемнің 100-ден астам еліндегі ұйымдарды қолдайтын, бір жылда 40 млрд грант бөлген Мелинда Гейтс тұр.

Рейтингтегі ең қызықты жайт, Хиллари Клинтонның 65 орынға төмендеп, 67-ші қатарға сырғуы болды.